sitemap Flag of Uzbekistan gerb madhiya administrator22 message icon

Flag of Uzbekistan Circle 512    england circle 512  Russian 2 512

ISHONCH TELEFONI

+998 (0366) 235-14-34

ISH VAQTI

08:00 - 18:00

E - POCHTA

This email address is being protected from spambots. You need JavaScript enabled to view it.
2021 йилда ҳамшира, шифокор ва ўқитувчиларнинг маошлари бир неча бараварга оширилади — вазир ўринбосари
08 Feb 2021
(0 votes)

2021 йил Ўзбекистонда ўқитувчилар, шифокорлар ва ҳамшираларнинг маошлари бир неча баробарга оширилиши кутилмоқда. Бу ҳақда соғлиқни сақлаш вазирининг биринчи ўринбосари Амрилло Иноятов маълум қилди.

«Тиббиёт ходимларининг ойлик масаласи жудаям оғриқли. Сизни ишонтириб айтаманки, президент яқин кунларда, яқинлашиб келаётган 2021 йилда ҳамширалар, шифокорлар, ўқитувчиларнинг иш ҳақи бир неча баравар оширилади, деб айтдилар», – деди Иноятов 18 декабрь куни Тошкентда бошланган ёшлар форумидаги нутқида.

Kun.uz мухбирининг хабар беришича, вазир ўринбосари хорижга ишлаш учун кетган ўзбекистонлик шифокорларни қайтариш масаласига ҳам тўхталган.

«Ўзбекистондаги маошларнинг пастлиги ва инфратузилманинг етишмаслиги туфайли кўплаб шифокорлар мамлакатни тарк этишган. Улар чет элдаги қулайликлар туфайли мамлакатни тарк этишди. Уларни қайтаришнинг ягона усули – қониқтирадиган маош. Яқинда президент тез тиббий ёрдам шифокорларининг иш ҳақини 1000 долларга кўтарамиз, деб эълон қилди.

Агар Африкада улар ўртача 3000 доллар маош олсалар, бу ерда ўша маош 1000 долларга тенг бўлади. Биз эндигина оёққа тураётган янги мамлакатмиз. Босқичма-босқич бу даражага, албатта, етиб борамиз», – деди соғлиқни сақлаш вазирининг биринчи ўринбосари.

Эслатиб ўтамиз, ноябрь ойида президент Шавкат Мирзиёев ўқитувчи ва шифокорлар маошини 1000 долларга етказиш нияти ҳақида яна бир бор таъкидлаган эди.

«Оддий муаллим 1000 доллар иш ҳақи олмаса, у ишга келиши керак эмас. Шифокор ҳам худди шундай, 1000 доллар олмаса, эртага уйга бориб боласини, набирасини қандай боқади? Қилишимиз мумкинми? Мумкин», – деганди давлат раҳбари. 

Manba: Kun.uz sayti 

Read 1304 times Last modified on Monday, 08 February 2021 14:42